நிறமோ தங்கம்
நீந்தியபடி இருக்கும்
அங்குமிங்கும்

அதன் கண்ணில்
நீர் வழிந்தால் நான் அறியேன்
என் கண்ணில் நீர் வழிந்தால்
அதைப் பார்ப்பேன்
நிம்மதி சேர்ப்பேன்

எப்போதும் ஒரு சுறுசுறுப்பு
ஆனந்த பரபரப்பு
கவர்ந்திழுக்கும் ஒரு ஈர்ப்பு
இதைப்பார்ப்பதும் ஒருவித தியானம்
தந்திடுதே எனக்கு நிதானம்

உற்றுப் பார்த்தேன்
ஒரு அறிவுரை கேட்டேன்
சொல்லவில்லை
செய்து காட்டியது

என்ன அது ?
எப்போதும் உற்சாகமாயிருப்பது