OTT & Chicken Biriyani

ஓ டி டி யும் கோழி பிரியாணியும்

குளித்து முடித்து விக்ரந்த் தன் அறைக்குள் நுழைந்து அலமாரியில் பல உடைகள் இருக்க சற்று  சிரமப்பட்டுத் தேடி ஒரு மூலையிலிருந்த கிழிந்த ஜீன்ஸ்  பேண்ட்டையும் அதன் மேலிருந்த  டி-ஷர்ட்டையும் எடுத்துப் போட்டுக்கொண்டான்.

அன்று ஞாயிற்றுக்கிழமை தெருவே அமைதியாக இருந்தது எதிர்  வீட்டிலிருந்து கோழி பிரியாணின்  வாசம் மற்றும் தொலைக்காட்சியிலிருந்து அந்தத் தொடர் சீரியலின் வசனங்கள்…..

அவன் வெளியே செல்லாமல் இருந்தால் நிச்சயமா அன்று மதியம் கோழி பிரியாணி உறுதி, சற்று யோசித்தான்

கைப்பேசி ஒலித்தது

“என்ன விக்ரந்த் ரெடியா?”

” ம்ம்”

“தியேட்டர்க்கு வெளியே வெயிட் பண்ணிட்டு இருக்கேன்”

“ஓகே”

“சீக்கிரம் வாடா, 11 மணிக்குப் படம் ஆரம்பிச்சிடும்”

“ம்”

“நம்ம ஸ்டார் ஆப் ஸ்டார்ஸ் படம் நான் முதல்ல இருந்து பாக்கணும். நீ லேட்டா வந்தா விட்டுவிட்டு போய்ட்டே இருப்பேன்”

” ம்”

“என்ன யோசிக்கிற?”

“இல்ல கோழி பிரியாணி”

“என்னடா சொல்ற ஒன்னும் புரியல”

“சீக்கிரம் கிளம்பு அஞ்சு நிமிஷம் கழித்துத் திரும்பவும் போன் பண்றேன்”

அந்தக் கால் முடிந்தது.

ஏதோ யோசித்தவாறே மெதுவாகத் திரும்பி அந்தச் சுவரில் உள்ள கண்ணாடியில் தன் முகத்தைப் பார்த்த போது அவன் பின்னே அந்த ஸ்மார்ட் டிவி தெரிந்தது. ஒரு பொறி தட்டியது உடனே தன் உடைகளை மாற்றிச் சௌகரியமாக லுங்கிக்குள் புகுந்தான்.

தன் கைப்பேசியை அணைத்துவிட்டுப் படுக்கையில் படுத்தவாறு ஓ டி டி மூலம் அந்த ஸ்டார் ஆப் ஸ்டார்ஸ் படத்தைத் தன் வீட்டிலிருந்தே பார்க்க முடிவு செய்தான்.

அந்த டிவியின் பெரிய திரையில் அவனுடைய அபிமான ஸ்டாரின்  ஓப்பனிங் ஷாட்யை பலமுறை பார்த்தான், ரசித்தான். படம் மெல்ல நகர்ந்தது, மிக அருமையான கட்டத்தில் இன்டர்வல் வர அவன் வீட்டின் காலிங் பெல்லும் ஒலித்தது.

படத்தை pause செய்துவிட்டு அவன் போய் கதவைத் திறக்க எதிர் வீட்டு ஆன்ட்டி கோழி பிரியாணி மற்றும் குருமாவுடன் நிற்க……

தனக்குப் பிடித்த இரண்டு விஷயங்களும் தான் நினைத்தவாறு அன்று சாத்தியமானது குறித்து மகிழ்ந்தான்.

ஆன்ட்டிக்கு வாயாலும் ஓடிடி platform க்கு மனதாலும் நன்றி சொன்னான்.  

பிகு : ஓடிடி (OTT)  என்பது கேபிள் அல்லது அதிவேக இணைய இணைப்பு வழியாக வழங்கப்படும் திரைப்படம்

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s