Sunk Cost

அவள் அன்று தன் வேலை முடிந்து வீடு திரும்பும்போது வாங்கி வந்த பீஸ்ஸாவை  அவன் ஒரே ஒரு கடி கடித்துவிட்டு இதில் ஏதோ சரியில்லை எனக்கு வேண்டாம் நீயும் இதைச் சாப்பிடாதே என்றான். அதனால் அவளுக்கு அவன்மேல் கோபம்.


அவன் அங்கிருந்து நகர்ந்த பின் ஒரு துண்டு பீஸ்ஸாவை எடுத்து அவள் சுவைத்துப் பார்த்தாள். அவளுக்கும் தெரிந்தது ஏதோ சரியில்லை என்று.

இருந்தும் ரூபாய் 400 கொடுத்து அதை வாங்கி விட்டதால் அதை வீணாக்க மனம் இல்லாமல் முழுவதையும் அவளே சாப்பிட்டு விட்டாள்.

அடுத்த நாள் காலையில் அவளுக்கு நல்ல ஜுரம் மற்றும் உடம்பு வலி. பிறகு லீவு, டாக்டர் செலவு, மருந்து மாத்திரைகள் ஓய்வு என்று ஒரு வாரம் ஓடிவிட்டது.ரூபாய் இரண்டு ஆயிரத்துக்கும் மேல் செலவானது.

அவள் உடல்நலம் தேறி சகஜ நிலைக்கு வந்தபிறகு ஒரு நாள் அவன் அந்தப் பீஸ்ஸா சம்பவத்தைப் பற்றி அவளிடம் பேசினான்.

வணிகத்தில் ஏற்கனவே நிகழ்ந்த ஒரு செலவை மாற்றவோ தவிர்க்க முடியாத சூழ்நிலையில் அதை sunk cost என்று சொல்வார்கள்.

அது மாதிரி தான் நீ பீன்ஸாவுக்கு செலவழித்த அந்த 400 ரூபாய்.அது அந்தப் பீஸ்ஸாவை நாம் சுவைப்பதற்கு முன்னாலே நிகழ்ந்துவிட்ட ஒரு செலவாகும்.

நாம் அந்தப் பீஸ்ஸாவை சாப்பிட்டு இருந்தாலும் சாப்பிடாமல் இருந்திருந்தாலும் அந்தச் செலவை மாற்றவோ தவிர்த்திருக்கவோ முடியாது. ஏதோ நாம் செலவு செய்து விட்டோம் என்பதற்காகச் சரி இல்லாத அல்லது நமக்கு நன்மை தராத ஒன்றைத்  தொடர்ந்து செய்ய வேண்டிய அவசியம் இல்லை என்று விளக்கினான்.

400 ரூபாய் மிச்சப்படுத்தப் போய் 2000 ரூபாய் செலவு செய்ததை நினைத்து அவள் தனக்குள்ளேயே சிரித்துக்கொண்டாள்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s